اتوار , نومبر 30 2025

فواد خان اور ماہرہ خان کی فلم ’نیلوفر‘ ریلیز، سنیما گھروں میں رونق بحال

پاکستان کے معروف اداکار فواد خان اور ماہرہ خان کی نئی فلم نیلوفر آج ریلیز کر دی گئی، جس نے ریلیز کے ساتھ ہی شائقین اور فلمی حلقوں میں غیر معمولی جوش پیدا کر دیا ہے۔

فلم کو اس لیے بھی غیر معمولی پذیرائی مل رہی ہے کیونکہ یہ پاکستانی اسکرین کی مقبول ترین رومانوی جوڑی کی واپسی کا اہم لمحہ ہے۔

فواد خان اور ماہرہ خان، جنہوں نے ڈرامہ ہم سَفَر سے شہرت حاصل کی، ایک دہائی بعد دوبارہ بڑے پردے پر اکٹھے جلوہ گر ہوئے ہیں۔ شائقین ان کی کیمسٹری کو دوبارہ دیکھنے کیلئے بے چین تھے، اور ریلیز کے پہلے ہی روز سنیما گھروں میں بڑی تعداد میں فلم بینوں کا رش دیکھنے میں آیا۔

ریلیز سے قبل منعقد ہونے والے شاندار پریمیئر میں فواد خان اپنی اہلیہ کے ساتھ شریک ہوئے جبکہ ماہرہ خان اپنے شوہر کے ہمراہ ریڈ کارپٹ پر جلوہ افروز ہوئیں۔ پریمیئر کو پاکستانی فلم انڈسٹری کی بڑی تقریب قرار دیا جا رہا ہے۔

پاکستانی فلموں کے فروغ کے لیے معروف گلوکار استاد راحت فتح علی خان، عاطف اسلم اور علی ظفر بھی اپنے اہلِ خانہ کے ساتھ فلم دیکھنے سنیما پہنچے۔ یہ پہلا موقع تھا کہ عالمی شہرت یافتہ تینوں گلوکار ایک ہی فلم کے پریمیئر میں اکٹھے نظر آئے، جس سے اس تقریب کی اہمیت اور بھی بڑھ گئی۔

تقریب میں شامل تمام سپر اسٹارز کے چہرے خوشی سے دمکتے رہے جبکہ فلم کی کاسٹ اور دیگر نمایاں شخصیات کی موجودگی نے ماحول کو مزید رنگین بنا دیا۔ فلم بینوں کا کہنا ہے کہ نیلوفر پاکستانی سنیما کے لیے ایک تازہ ہوا کا جھونکا ثابت ہوگی اور مقامی فلموں کیلئے دلچسپی کو دوبارہ زندہ کرے گی۔

About Aftab Ahmed

Check Also

کمپٹیشن کمیشن کا شوگر ملوں پر کارٹل بنا کر قیمت فکس کرنے اور کرشنگ تاخیر کا نوٹس

کمپٹیشن کمیشن نے پنجاب کی دس شوگر ملوں کو کارٹل بنانے، گنے کی قیمت 400 …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے