UrduLead UrduLead
Related Articles
وفاقی دارالحکومت اسلام آباد میں وقفے وقفے سے بارش کا سلسلہ جاری ہے، بارش کے باعث سیدپور ویلج میں برساتی نالے بپھر پڑے اور گاڑیاں بھی نالے میں بہنے لگیں۔
پانی کا بہاؤ تیز ہونے کی وجہ سے نالے میں گاڑیاں بھی بہنے لگیں۔
ترجمان کے مطابق دوران بارش سینیٹشن ٹیمز کی جانب سے نکاسی آب کا عمل بھی جاری ہے، سید پور میں قائم تجاوزات کی وجہ سے پانی نشیبی ایریاز میں کھڑا بھی ہوا۔
ادھر، نیشنل ڈیزاسٹر منیجمنٹ اتھارٹی (این ڈی ایم اے) نے جڑواں شہروں میں موسلادھار بارشوں کا الرٹ جاری کر دیا۔
این ڈی ایم کے مطابق آئندہ 12 گھنٹوں کے دوران جڑواں شہروں اور پوٹھوہار ریجن میں موسلا دھار بارش کا امکان ہے۔
مزید بتایا کہ بارش 50 ملی میٹر سے تجاوز کر سکتی ہے۔
واضح رہے کہ 17 جولائی کو پنجاب بھر میں طوفانی بارشوں نے تباہی مچادی تھی، راولپنڈی میں 15 گھنٹے میں 230 ملی میٹر بارش برسنے پر ندی نالے بپھر گئے تھے،جبکہ چکوال میں کلاؤڈ برسٹ کے بعد 423 ملی میٹر بارش برسنے پر ڈیم کا بند ٹوٹ گیا تھا۔
17 جولائی کو این ڈی ایم اے نے رپورٹ کیا تھا کہ مون سون بارشوں کے باعث 26 جون سے 17 جولائی کے درمیان 178 افراد جاں بحق جبکہ 491 زخمی بھی ہوئے تھے۔
