UrduLead UrduLead
Related Articles
پاکستان تحریک انصاف (پی ٹی آئی) نے بانی چیئرمین اور سابق وزیر اعظم عمران خان سے اڈیالہ جیل میں ملاقاتوں میں رکاوٹوں کےخلاف احتجاجی کیمپ لگانے کا فیصلہ موخر کردیا۔
پشاور میں پنجاب کی سیاسی حکمت عملی سے متعلق اجلاس منعقد ہوا جس کی صدارت سلمان اکرم راجہ نے کی ،اجلاس میں اپوزیشن لیڈر پنجاب اسمبلی، عالیہ حمزہ، حماد اظہر، میاں اسلم اقبال،احمد چٹھہ سمیت دیگررہنماوں نے شرکت کی،
مشاورتی اجلاس 6 گھنٹے تک پشاور میں جاری رہا،وزیراعلی خیبر پختونخوا علی امین گنڈاپور نے پنجاب کی قیادت کے اعزاز میں افطاری کا بھی اہتمام کیا۔
ذرائع کے مطابق مرکزی قیادت نے اڈیالہ جیل کے باہر احتجاجی کیمپ لگانے کی توثیق نہیں کی اور اس فیصلے پر تحریک انصاف پنجاب کے اراکین برہم ہو گئے، میڈیا میں اس کیمپ کے بارے میں جو خبریں سامنے آئی تھیں، ان پر مرکزی قیادت نالاں نظر آئی۔
اجلاس میں پنجاب اسمبلی کی اپوزیشن لیڈر عالیہ حمزہ، حماد اظہر، میاں اسلم اقبال، احمد چٹھہ اور دیگر اہم رہنماؤں نے شرکت کی، اجلاس میں پنجاب میں پولیس کے چھاپوں، کارروائیوں اور عدالتوں میں کیسز پر بھی تفصیل سے بات کی گئی۔
تحریک انصاف نے اپنے موقف پر ڈٹے رہنے کا عزم ظاہر کیا ہے اور اڈیالہ جیل کے باہر احتجاجی کیمپ لگانے کا فیصلہ فی الحال مؤخر کر دیا گیا۔
یاد رہے کہ پی ٹی آئی نے پنجاب میں اڈیالہ جیل کے باہر کیمپ لگانے کی تیاریاں مکمل کر رکھی تھی تاہم پی ٹی آئی کی مرکزی قیادت کی منظوری کے بعد کیمپ لگایا جانا تھا۔
