UrduLead UrduLead
Related Articles
آسٹریلیا نے پہلے ٹی20 میچ میں پاکستان کو بآسانی 29 رنر سے ہرادیا، 94 رنز کے ہدف کے تعاقب میں پاکستان ٹیم 9 وکٹوں کے نقصان پر 64 رنز بناسکی۔
بارش سے متاثرہ میچ میں آسٹریلیا نے پہلے بیٹنگ کرتے ہوئے مقررہ 7 اوورز میں 4 وکٹوں کے نقصان پر 93 رنز بنائے تھے۔
ہدف کے تعاقب میں پاکستان ٹیم کی اننگز کا آغاز مایوس کن رہا، پہلی وکٹ 8 رنز پر گر گئی، صاحبزادہ فرحان 4 گیندوں پر 8 رنز بناکر آؤٹ ہوگئے۔
مجموعی اسکور میں صرف 4 کے اضافے سے پاکستان کی دوسری وکٹ 12 رنز پر گر گئی، محمد رضوان بغیر کوئی رن بنائے آؤٹ ہوئے۔
تیسری وکٹ 16 رنز پر عثمان خان کی صورت میں گری، وہ صرف 4 رنز بناکر کیچ آؤٹ ہوئے، اسی اسکور پر چوتھی وکٹ گری، بابر اعظم 3 رنز بناکر پویلین لوٹ گئے۔
اس طرح پاکستان کی ٹیم مقررہ اوورز میں 9 وکٹوں کے نقصان پر 64 رنز بناسکی۔
میچ کا ٹاس بارش کے باعث تاخیر کا باعث بنا تاہم موسم ٹھیک ہونے کے بعد پاکستان نے ٹاس جیت کر فیلڈنگ کا فیصلہ کیا۔
آسٹریلیا نے پاکستان کو جیت کیلئے 94 رنز کا ہدف دیا، آسٹریلیا نے مقررہ سات اوورز میں 4 وکٹوں پر 93 رنز بنائے۔
میکسویل نے 19 گیندوں پر 43 رنز کی جارحانہ اننگز کھیلی۔
اس دوران عباس آفریدی نے دو وکٹیں حاصل کیں جبکہ نسیم اور حارث نے ایک ایک شکار کیا۔
خیال رہے پاکستانی وقت کے مطابق میچ دوپہر ایک بجے شروع ہونا تھا لیکن میچ 3 بج کر 20 منٹ پر شروع ہوا۔ دونوں ٹیموں کے درمیان فی اننگز 7 اوورز کا کھیل ہوگا۔
ہلکی بارش کے باعث پچ پر کور ڈال دیے گئے تھے اور بارش کے رکنے کا انتظار کیا گیا۔
آسٹریلیا ٹی20 ٹیم کی قیادت جوش انگلس کررہے ہیں جبکہ انہیں، مچل مارش، ٹریوس ہیڈ، مچل اسٹارک، جوش ہیز ل ووڈ کی خدمات حاصل نہیں ہیں۔
پاکستان اور آسٹریلیا آخری مرتبہ لاہور میں 2022 میں کھیلے گئے ٹی20 میچ میں مدمقابل آئے تھے جس میں کینگروز نے فتح پائی تھی، پاکستان نے آسٹریلیا میں میزبان سائیڈ کے خلاف اب تک 4 ٹی20 میچز کھیلے ہیں، گرین شرٹس کو 3 میں شکست ہوئی اور ایک میچ بے نتیجہ ثابت ہوا تھا۔
واضح رہے کہ پاکستان نے آسٹریلیا کو ون ڈے سیریز میں 22 سال بعد شکست دی تھی، قومی ٹیم نے 3 میچوں کی سیریز میں 1-2 سے کامیابی حاصل کی تھی۔
ون ڈے سیریز جتینے والی پاکستان ٹیم کے پاس ٹی 20 سیریز جیت کر مزہ ڈبل کرنے کا سنہری موقع ہے۔
