UrduLead UrduLead
Related Articles
منگل سے ملتان ہی میں شروع ہونیوالے دوسرے ٹیسٹ میں پاکستان نے اسپنرز کا جال بچھا کر انگلش بیٹرز کو قابو کرنے کا فیصلہ کیا ہے۔
آل اسپن اٹیک کیساتھ انگلینڈ کو آئوٹ کرنے کی تیاری مکمل کی گئی ہے۔
پاکستان گذشتہ گیارہ ہوم ٹیسٹ میچوں میں جیت سے محروم ہے جبکہ آسٹریلیا ، انگلینڈ اور بنگلہ دیش کے بعد ہوم گرائونڈ پر چوتھی سیریز میں شکست کا سامنا کرنا پڑسکتا ہے ۔
پاکستان تین ریگولر اسپنرز نعمان علی، زاہد محمود اور ساجد خان کے ساتھ میدان میں اترے گا ، ان کی مدد کیلئے سلمان علی آغا ، صائم ایوب اور سعود شکیل بھی موجود ہوں گے ۔
عامر جمال واحد فاسٹ بولر ہوں گے ۔ سلیکٹر عاقب جاوید ملتان پہنچ کر کیوریٹر ٹونی ہیمنگ کو مشورے دیتے رہے۔ مشاورت میں شان مسعود اور جیسن گلیسپی بھی شامل تھے۔
نئی سلیکشن کمیٹی نے پہلے ٹیسٹ کی بدترین کارکردگی کے بعد بابر اعظم، شاہین آفریدی، نسیم شاہ اور سرفراز احمد کو ڈراپ کردیا ، میچ اسی پچ پر ہوگا جس پر پہلا ٹیسٹ کھیلا گیا تھا۔
نومنتخب سلیکشن کمیٹی نے اکھاڑ پچھاڑ کرتے ہوئے 6نئے کھلاڑیوں کو شامل کیا ہے۔ دوسرے ٹیسٹ کیلئے ٹیم میں 4 تبدیلیاں کیں، کامران غلام بابر اعظم کے نمبر پر بیٹنگ کریں گے ۔
