UrduLead UrduLead
Related Articles
پاکستانی شوبز کی سینئر اداکارہ لیلی زبیری نے حال ہی میں ایک پوڈکاسٹ میں اہم انکشاف کیا ہے۔
لیلیٰ زبیری نے بتایا کہ انہیں اور دیگر پاکستانی ٹی وی اداکاراؤں کو بالی ووڈ کی بلاک بسٹر فلم حنا کی پیشکش ہوئی تھی جسے بعد میں زیبا بختیار نے کیا۔
انہوں نے پوڈکاسٹ میں گفتگو کرتے ہوئے کہا کہ یہ بات 86-87ء کی ہے جب ہماری شارجہ کرکٹ کپ کے دوران راج کپور سے ملاقات ہوئی،
انہوں نے ہمیں بتایا کہ ہمارے پاکستانی ڈرامے پونا اکیڈمی میں اداکاری سکھانے کے لیے دکھائے جاتے ہیں، اسی ملاقات میں انہوں نے مجھے فلم حنا کی پیشکش کی جو بعد میں زیبا بختیار نے کی۔
اداکارہ نے کہا کہ ان کو پاکستانی لڑکی کی ضرورت تھی اور یہ پیشکش شہناز شیخ اور مرینا خان کو بھی کی گئی تھی لیکن بدقسمتی سے میں وہ فلم نہیں کر پائی کیونکہ میرے شوہر پاک فوج کے افسر تھے۔
لیلیٰ زبیری نے بھارت کے ساتھ تعلقات سے متعلق مزید کہا کہ پہلے ہمارے بھارت کے ساتھ اچھے تعلقات تھے جس کی وجہ سے پاکستانی فنکاروں کو بھارت میں کام کرنے کے مواقع ملتے تھے لیکن آج کل بھارت میں کام کرنے کے مواقع بہت کم ہیں۔
