UrduLead UrduLead
Related Articles
مارننگ شو ہوسٹ ندا یاسر اپنی فیملی کے بارے میں ہمیشہ کھل کر بات کرتی ہیں اور اپنے بچوں کو بھی کیمرے سے دور نہیں رکھتیں۔
ان کا سب سے چھوٹا بیٹا بالاج ابھی کافی کم عمر ہے، لیکن وہ کئی بار اپنی والدہ کے شو میں شرکت کر چکا ہے۔
حال ہی میں ندا یاسر نے رمضان اسپیشل شو میں مختلف بچوں کو مدعو کیا، مہمانوں میں شاہ برادران، شیراز، مسکان اور خود ندا یاسر کا بیٹا بالاج بھی موجود تھا۔
شو میں مختلف دلچسپ سیگمنٹس کیے گئے، جہاں ندا یاسر نے بچوں سے پوچھا کہ ایسی کون سی ڈش ہے جو امی بناتی ہیں اور وہ آپ کو بالکل پسند نہیں؟
جب بالاج کی باری آئی تو اس نے سب کے سامنے اپنی والدہ کا پول کھول دیا اور ہنستے ہوئے کہہ دیا کہ میری ماما گھر میں کھانا نہیں بناتیں!
یہ سنتے ہی ندا یاسر سمیت تمام مہمان اور ناظرین قہقہے لگانے لگے، بالاج کی معصومانہ سچائی نے پورے شو میں ہنسی کا طوفان برپا کر دیا۔
بالاج کے اس انکشاف پر سوشل میڈیا صارفین نے مزاحیہ تبصرے کیے، کچھ نے اسے شرارتی اور معصوم کہا، تو کچھ نے ندا یاسر کو ایکسپوزڈ قرار دیا۔
