ُُپاکستان کو نیوزی لینڈ کے خلاف چوتھے ٹی 20میں شکست کے ساتھ ہی سیریز میں بھی شکست

Related Articles

فہد مصطفیٰ کے والد کے ضامن بننے پر رشتہ دیا گیا: علی گل ملاح

5 دن ago

 پیپلز پارٹی کا احتجاجی جلسوں کا اعلان

5 دن ago

عید کے دوران ملک بھر میں موسم گرم اور خشک رہنے کا امکان

5 دن ago

چوتھے ٹی 20 انٹرنیشنل میں پاکستان کو بری شکست کے ساتھ ہی سیریز میں بھی شکست

پاکستانی کرکٹ ٹیم 221رنز کے ہدف میں صرف 105رنز پر ہی ڈھیر اور نیوز ی لینڈ کو 115رنز سے فتح ،

میچ میں شکست کے بعد نیوز ی لینڈ کو سیریز میں بھی 3:1سے واضح برتری حاصل ہوگئی

پاکستانی کرکٹ ٹیم نیوزی لینڈ کے خلاف 221رنز کے ہدف میں ابتدا میں ہی مشکلات کا شکار ہوگئی،

پاکستان کرکٹ ٹیم کے پہلی چار وکٹ 26پر گرگئیں، گزشتہ میچ کے سنچری میکر حسن نواز ایک رنز اور کپتان سلمان آغا بھی ایک رنز بنا کر جلد آئوٹ ہوگئے جبکہ محمد حارث بھی صرف دورنز بناسکے،

چوتھے آئوٹ ہونے والے کھلاڑی شاداب خان بھی صرف ایک رنز بناسکے ، اسکے بعد آنے والے کھلاڑیوں میں عرفان خان نے 24اور عبدالصمد نے 44رنز بنائے ،

نیوزی لینڈ کی جانب سے جیکب ڈفی نے 3، زکرے فولکس نے 2 جبکہ وِل اورورکی اور جیمز نیشم نے نے ایک ایک وکٹ حاصل کی ۔

اس سے قبل پہلی اننگز میں کیوی بلے بازوں نے ابتدا ہی سے جارحانہ کھیل کا مظاہرہ کرتے ہوئے اپنی ٹیم کو 59 رنز کا عمدہ آغاز فراہم کیا، میزبان ٹیم نے 3.5 اوورز میں ہی 50 رنز بٹور لیے۔

جس کے بعد حارث رؤف نے اپنے پہلے اوور کی پہلی گیند پر 4 چھکوں اور 3 چوکوں کی مدد سے 22 گیندوں پر44 رنز بنانے والے ٹم سیفرٹ کو خوشدل شاہ کے شاندار کیچ کی بدولت آؤٹ کردیا،

تاہم کیوی بلے بازوں نے جارحانہ کھیل کا مظاہرہ جاری رکھا اور 6 اوورز کے پاور پلے میں 79 رنز بناڈالے جبکہ محض 7.2 اوورز میں 100 رنز مکمل کرلیے۔

نیوزی لینڈ کی دوسری وکٹ 108 رنز کے مجموعی اسکور پر گری، 2 چھکوں اور 2 چوکوں کی مدد سے 24 رنز بنانے والے مارک چیپمین کو حارث رؤف نے کلین بولڈ کیا۔

نیوزی لینڈ کی تیسری وکٹ 134 رنز پر گری،20 گیندوں پر 50 رنز بنانے والے فن ایلن کو عباس آفریدی نے حسن نواز کے ہاتھوں کیچ آؤٹ کیا

جبکہ چوتھی وکٹ 139 رنز پر گری، 3 رنز بنانے والے جیم نیشم ابرار احمد کی گیند پر وکٹ کیپر محمد حارث کے ہاتھوں کیچ آؤٹ ہوئے۔

149 کے مجموعی اسکور پر کیویز کو پانچواں نقصان اٹھانا پڑا، 3 رنز بنانے والے مچل ہے کو بھی ابرار احمد نے محمد حارث کے ہاتھوں کیچ آؤٹ کیا۔

نیوزی لینڈ کی چھٹی وکٹ 206 رنز پر گری، 29 رنز بنانے والے ڈیرل مچل کو حارث رؤف نے عرفان خان کے ہاتھوں کیچ آؤٹ کیا۔

نیوزی لینڈ نے مقررہ 20 اوورز میں 220 رنز اسکور کیے، اننگز کے اختتام پر مائیکل بریس ویل 44 جبکہ زکرے فولکس 3 رنز بناکر وکٹ پر موجود تھے۔

چوتھے ٹی ٹوئنٹی کے لیے پاکستانی اسکواڈ میں کوئی تبدیلی نہیں کی گئی جبکہ نیوزی لینڈ کی ٹیم میں 2 تبدیلیاں کی گئی ہیں، کیلی جیمیسن اور بین سیئرز کی جگہ وِل اورورکی اور جیکب ڈفی کو ٹیم میں شامل کیا گیا۔