UrduLead UrduLead
Related Articles
پاکستانی شوبز انڈسٹری کی معروف اداکارہ و ماڈل ماورا حسین نے بالی ووڈ کے مشہور اداکار سلمان خان اور رنبیر کپور کے ساتھ کام کرنے کی خواہش کا اظہار کیا ہے۔
بھارتی میڈیا کے معروف پروگرام بالی ووڈ انسٹینٹ کو دیے گئے ایک انٹرویو کے دوران اداکارہ نےاپنی خواہش کا اظہار کیا ہے، جس میں انہوں نے اپنی 9 سال قبل ریلیز ہونے والی فلم ’صنم تیری قسم‘ کی کامیاب ری ریلیز کے بعد سوالات کا جواب دیا۔
ماورا حسین نے فلم ”صنم تیری قسم“ کے انتخاب اور اس پر کام کرنے کے تجربے کے بارے میں بات کرتے ہوئے کہا کہ انہیں ہمیشہ سے سلمان خان پسند ہیں اوروہ ان کی بڑی مداح رہی ہیں۔
ان کا کہنا تھا کہ میں نے سلمان خان کی فلم ’ہم دل دے چکے صنم‘ کئی بار دیکھی ہے اور اس فلم میں ان کا کام بہت اچھا لگا۔
اداکارہ نے مزید کہا کہ ان کی خواہش ہے کہ سلمان خان ہمیشہ کام کرتے رہیں اور کبھی ریٹائر نہ ہوں، ان کے ساتھ کام کرنا میراخواب ہے۔
سلمان خان کے ساتھ ساتھ ماورا نے رنبیر کپور کے ساتھ بھی کام کرنے کی خواہش کا اظہار کیا۔ انہوں نے یہ بھی کہا کہ وہ رنبیر کپور کے ساتھ ان کی مشہور فلم ’راک اسٹار‘ سے ملتی جلتی کسی فلم میں کام کرنا چاہیں گی۔
ماورا حسین کی اس خواہش پر شائقین کا ردعمل انتہائی مثبت رہا ہے اور انہیں امید ہے کہ مستقبل میں ان کی یہ خواہش حقیقت بنے گی۔
