UrduLead UrduLead
Related Articles
پاکستان تحریک انصاف کے بانی چیئرمین اور سابق وزیراعظم عمران خان نے آئی سی سی چیمپئنز ٹرافی میں قومی کرکٹ ٹیم کی ناقص کارکردگی پر شدید غم و غصے کا اظہار کرتے ہوئے کہا ہے کہ جب عہدوں پر سفارشی لوگوں کو بٹھایا جائے گا تو کرکٹ تباہ ہوگی۔
بانی پی ٹی آئی سے ملاقات کے بعد ان کی ہمشیرہ علیمہ خان نے میڈیا سے گفتگو کرتے ہوئے بتایا کہ عمران خان کو آج سب سے زیادہ غصہ کرکٹ پر تھا، بانی نے پاکستان کا میچ دیکھا ہے پی ٹی وی پر، میچ ہارنے کی وجہ سے بانی نے سارا غصہ آج کرکٹ پر اتارا۔
ان کا کہنا تھا میچ ہارنے پر انکو بڑا دکھ تھا، بانی نے کیا جب سفارشی لوگوں کو بٹھایا جائے گا تو کرکٹ تباہ ہوگی، بانی نے کہا محسن نقوی کو پہلے چیف منسٹر لگایا اس نے ظلم کیا۔
انہوں نے کہا کہ بانی نے کہا محسن نقوی کو وزیر داخلہ لگایا، اس نے ظلم کیا، بانی نے کہا محسن نقوی کو جس عہدے پر لگایا اس نے بھیڑا غرق کیا، بانی نے کہا پاکستان میں اتنے عہدے کسی کے پاس نہیں جتنے محسن نقوی کے پاس ہیں۔
علیمہ خان نے کہا کہ بانی نے کہا اتنی بڑی کارکردگی پر عزت دار آدمی مستعفی ہوجاتا ہے لیکن محسن نقوی مستعفی نہیں ہوگا، بانی نے کہا محسن نقوی سے پوچھا جائے اسکو کرکٹ کا کیا تجربہ ہے۔
ان کا کہنا تھا کہ عمران خان نے کہا ہے میرے متعلق صرف پارٹی کے عہدیدار بات کریں، ڈسٹریکشن کے لئے خبر نکالی گئی لوگوں نے کہ بانی بے ہوش کر گر پڑے، بانی اس بات پر ہنسے ہیں ان کی صحت بلکل ٹھیک ہے۔
علیمہ خان نے کہا کہ شکر ہے بانی کی ہفتہ والے دن اپنے بچوں سے بات ہوئی تھی، ہم نے بچوں سے بات کی تو ہمیں تسلی ہوئی بانی ٹھیک ہیں، قاسم خان سوری ملک سے باہر ہے ان کو کیا پتا، ذرائع سے خبریں چلانا اور بالمشافہ ملاقات میں بہت فرق ہوتا ہے۔
