UrduLead UrduLead
Related Articles
جنوبی افریقہ کے خلاف 353رنز کے ہدف کے حصول میں کپتان محمد رضوان اور نائب کپتان سلمان آغا آڑے آگئے
دونوں پاکستانی بلے باز نے سنچریز سکورکیں اور ناٹ آئوٹ رہے اور سلمان آغا 134رنز بنا کر آئوٹ ہوئے جبکہ رضوان 122رنز بنا کر ناٹ آئوٹ رہے
جنوبی افریقہ کو چھ وکٹوں سے شکست اور پاکستان نے49ویں اوور میں سکور پورا کرلیا
واضح رہے کہ پاکستان کی ابتدائی تین وکٹیں جلد ہی گرگئیں تھیں اور 91رنز پر تین کھلاڑی آئوٹ تھے
ابر اعظم ایک بار پھر ناکام اور صرف 23اور فخر زمان نے 41رنز بنائے سعود شکیل بھی 15رنز بناکر پولین لوٹ آئے ،
کراچی کے نیشنل کرکٹ اسٹیڈیم میں کھیلے جانے والے سہ فریقی سیریز کا میچ جیتنے والی ٹیم 14 فروری کو نیوزی لینڈ سے فائنل میں مدمقابل ہوگی۔
اہم میچ میں جنوبی افریقہ نے پہلے بیٹنگ کرتے ہوئے مقررہ 50 اوورز میں 5 وکٹ کے نقصان پر 353 رنز بنائے۔
پروٹیز کپتان ٹمبا باؤما نے پاکستان کے خلاف ٹاس جیت کر بیٹنگ کا فیصلہ کیا، ویان ملڈر کے علاوہ تمام کھلاڑیوں نے بہترین بلے بازی کا مظاہرہ کیا۔
کپتان ٹیمبا باووما 82 رنز بنانے کے بعد آؤٹ ہوئے، ٹونی ڈی زورزی نے 22 رنز کی برق رفتار اننگز کھیلی جب کہ اپنے ڈیبیو میچ میں 150 رنز کی ریکارڈ ساز اننگز کھیلنے والے میتھیو بریزکے نے آج بھی مایوس نہیں کیا اور وہ 83 رنز بنانے میں کامیاب رہے۔
ٹیم میں واپسی کرنے والے ہینرک کلاسن نے 56 گیندوں پر 87 رنز کی جارحانہ اننگز کھیلی جس میں 3 چھکے اور 11 چوکے شامل تھے جب کہ کائل ویرینے 44 اور کوربن بوش 15 رنز پر ناٹ آؤٹ رہے۔
قومی ٹیم کی جانب سے شاہین شاہ آفریدی نے 2، خوشدل شاہ اور نسیم شاہ نے ایک ایک وکٹ حاصل کی۔
اس سے قبل، پاکستانی ٹیم میں انجری کا شکار حارث رؤف کی جگہ محمد حسنین کو شامل کیا گیا جب کہ کامران غلام کی جگہ سعود شکیل کو موقع دیا گیا ہے۔
جنوبی افریقہ نے ٹیم میں 4 تبدیلیاں کی ہیں، ٹونی ڈی زورزی، ہینرک کلاسن، کوربن بوش اور کیشو مہاراج پلیئنگ الیون میں شامل ہیں۔
کپتان محمد رضوان نے کہا کہ چیمپئن سے قبل ہمارے پاس اچھا موقع ہے، نئی کنڈیشن اور نیا دن ہے، اچھی کرکٹ کھیلنا ہے۔
انہوں نے کہا کہ جنوبی افریقہ کے خلاف جو سیریز جیتی تھی وہ ماضی ہوگیا ہے، اس میچ کو جیت کر ہم مومنٹم حاصل کرنے کی کوشش کریں گے، جو ہم چیمپئنز ٹرافی میں لے کر جائیں گے۔
جنوبی افریقہ کے کپتان نے کہا کہ چیمپئنزٹرافی سے پہلےکھیلنے کا موقع اچھا ہے، کلاسن کے آنے سے ٹیم کے اعتماد میں اضافہ ہوگا، اس وکٹ پر فاسٹ بالر آسانی سے وکٹ نہیں لے پائیں گے۔
