UrduLead UrduLead
Related Articles
پاکستان شوبز انڈسٹری کی لیجنڈری اداکارہ بشریٰ انصاری نے اپنے مخصوص مزاحیہ انداز میں ایک عوامی مسئلے پر روشنی ڈالی ہے۔
حال ہی میں لندن میں فلاحی ادارے کے لیے فنڈ ریزنگ پروگرام کا انعقاد کیا گیا جہاں بشریٰ انصاری نے پروگرام میں شریک اپنے مداحوں سے ملاقات اور گفتگو بھی کی۔
پروگرام کے شرکاء سے بات چیت کرتے ہوئے لیجنڈری اداکارہ نے عوامی رویے پر بات کی اور عوام کو یہ احساس دلانے کی کوشش کی کہ ان کا ایک معمولی سا اقدام کیسے دوسروں کی حق تلفی کرتا ہے۔
بشریٰ انصاری نے مزاحیہ انداز میں کہا کہ پاکستانی جہاں کہیں بھی ہوں سب سے زیادہ فلاحی کاموں میں بڑھ چڑھ کر حصہ لیتے ہیں۔
انہوں نے اپنی بات جاری رکھتے ہوئے کہا کہ ہمارے ایک بہت پیارے دوست ہیں انہوں نے اپنے گھر میں گیس کھینچنے کے لیے ’کھینچو‘ لگایا ہوا ہے، دن بھر مزے مزے کے پکوان پکتے ہیں، 5 وقت کے نمازی اور بہت دین دار ہیں لیکن گھر میں کھینچو لگا رکھا ہے۔
لیجنڈری اداکارہ کے مطابق دن بھر کی عبادات اس طرح ایک اقدام سے ضائع ہو جاتی ہیں، ہمارا گزارا اس کے بغیر بھی ہو سکتا ہے، اس لیے جتنا ممکن ہو سکے ہمیں ان چیزوں سے گریز کرنا چاہیے۔
