پاکستان کی قومی انڈر 19 کرکٹ ٹیم ایشیا کپ جیتنے کے بعد اسلام آباد پہنچ گئی۔ اسلام آباد ایئرپورٹ پر کھلاڑیوں کا شاندار اور پُرجوش استقبال کیا گیا۔
ایئرپورٹ کے باہر شائقین کی بڑی تعداد موجود تھی۔ مداحوں نے ڈھول کی تھاپ پر رقص کیا اور قومی ٹیم کے حق میں نعرے لگائے۔
ٹیم کی تاریخی فتح پر فضا جشن کا منظر پیش کرتی رہی۔ کھلاڑیوں نے ہاتھ ہلا کر شائقین کی محبت کا جواب دیا۔
وزیراعظم شہباز شریف آج قومی انڈر 19 ٹیم کے کھلاڑیوں سے ملاقات کریں گے۔ ملاقات میں بھارتی ٹیم کو شکست دینے والے کھلاڑیوں کی حوصلہ افزائی کی جائے گی۔
یاد رہے کہ پاکستان نے فائنل میں بھارت کو 191 رنز سے شکست دی تھی۔ اس کامیابی کے ساتھ پاکستان نے انڈر 19 ایشیا کپ کا ٹائٹل جیت لیا۔
پاکستان انڈر 19 ٹیم کا اسلام آباد انٹرنیشنل ایئرپورٹ پر شاندار استقبال۔
— PCB Media (@TheRealPCBMedia) December 21, 2025
کھلاڑیوں اور سپورٹ سٹاف کا استقبال پی سی بی چیف اپریٹنگ افیسر سمیر احمد سید، ڈائریکٹر ہائی پرفارمنس عاقب جاوید اور دیگر پی سی بی حکام نے کیا۔
دبئی میں فائنل میں بھارت انڈر 19 کو شکست دینے کے بعد وطن واپسی۔… pic.twitter.com/tuS6ugggK0
یہ پاکستان کی انڈر 19 سطح پر ایشیا کپ میں دوسری کامیابی ہے۔ اس سے قبل 2012 کے ایونٹ میں پاکستان اور بھارت مشترکہ چیمپئن رہے تھے۔
قومی ٹیم کی فتح کو ملکی کرکٹ کے لیے اہم پیش رفت قرار دیا جا رہا ہے۔
