UrduLead UrduLead
Related Articles
پاکستانی ڈرامہ انڈسٹری کی ابھرتی اداکارہ شازل شوکت نے لائیو شو کے دوران اظہارِ محبت کرتے ہوئے اپنی شادی کا اعلان کر دیا۔
اداکارہ نے حال ہی میں نجی ٹی وی چینل کے پروگرام میں شرکت کی، جہاں انہوں نے اپنی نجی زندگی کے حوالے سے کھل کر بات چیت کی۔
دورانِ انٹرویو انہوں نے ایک سوال کا جواب دیتے ہوئے انکشاف کیا کہ میری زندگی میں ایک خاص شخص موجود ہے، جس سے بے پناہ محبت کرتی ہوں۔
میزبان کے اصرار پر اداکارہ نے بتایا کہ اس شخص کو ’بے بی‘ کہہ کر مخاطب کرتی ہوں اور دورانِ شو انہوں نے محبت کا اعتراف کرتے ہوئے ’بے بی آئی لو یو‘ کا نعرہ بھی لگایا۔
لائیو شو کے دوران شازل شوکت کا یہ بے باک انداز دیکھ کر میزبان نے کہا کہ جس طرح آپ نے لائیو شو میں اظہارِ محبت کیا ہے
لگتا ہے چند مہینوں میں شہنائیاں بجنے والی ہیں، جس پر اداکارہ خاموش رہیں اور انہوں نے اثبات میں اپنا سر ہلا کر ہامی بھری۔
شازل شوکت نے اس موقع پر اس خاص شخص کی خوبیاں بھی بیان کیں اور بتایا کہ وہ ہر چھوٹے بڑے شخص کے ساتھ عزت و احترام سے پیش آتا ہے، مجھے اس کی یہی ادا بے حد متاثر کرتی ہے،
اس کی جانب متوجہ کرتی ہے کہ وہ ناصرف اپنے اردگرد بلکہ میرے اردگرد موجود تمام افراد کی عزت کرتا ہے اور سب کے ساتھ پیار و محبت سے پیش آتا ہے۔
