UrduLead UrduLead
Related Articles
پشتونخوا ملی عوامی پارٹی کے سربراہ محمود خان اچکزئی نے کہا ہے کہ ہم یہ تمام پابندیاں قبول نہیں کریں گے، ملک کوان بحرانوں سے نکالیں گے۔
اسلام آباد میں صحافیوں سے گفتگو کرتے ہوئے محمود اچکزئی نے کہا جلسہ ہونا تھا نہیں ہوا اس کا آپ کو پتہ ہے کیوں نہیں ہوا۔ ہم ایک دوسرے سے دور تھے رابطہ نہ ہوسکا۔
محمود خان اچکزئی نے کہا کہ صوابی میں جلسہ ہوا، 50، 60 ہزار سے زائد لوگ آئے۔ ایک دوسرے سے رابطے ہونے چاہئیں۔
انھوں نے کہا کہ ایسے افراد کو سپورٹ کیا جا رہا ہے جنہوں نے ووٹ چوری کیا۔ گزشتہ الیکشن میں ہم نے دیکھا بکرا منڈی بنا ہوا تھا۔
انھوں نے کہا کہ شیر افضل مروت اور پولیس والوں کو ایک دوسرے کے کپڑے نہیں پھاڑنے چاہیے تھے۔ پاکستانی ریاست کی بنیادوں سے نہیں کھیلنا چاہیے۔
انھوں نے کہا کہ پانچ، پانچ لاکھ ووٹ لینے والوں کو اسپیکر بولنے نہیں دیتا۔
محمود خان اچکزئی نے کہا کہ جو آئین اور شریعت کو نہیں مانتا وہ پاکستانی نہیں ہے، جوالیکشن جیتا اسے حق دیں۔
