UrduLead UrduLead
Related Articles
وزارت خزانہ نے اپریل کی آؤٹ لک رپورٹ جاری کر دی، جس کے مطابق مالی اور بیرونی شعبے میں بہتری آئی ہے، مارکیٹ کا اعتماد بحال ہوا ہے۔
آؤٹ لک رپورٹ میں کہا گیا ہے کہ زرعی شعبے میں شرح نمو پہلی اور دوسری سہ ماہی میں بالترتیب 8.6 اور 5 فیصد رہی، ٹریکٹروں کی فروخت میں پہلی اور دوسری سہ ماہی میں بالترتیب 59.7 اور 65.8 فیصد اضافہ ہوا۔
رپورٹ کے مطابق کپاس کی پیداوار 34.8 فیصد اضافے سے دگنی ہو گئی، بڑی صنعتوں کی پیداوار میں جولائی سے فروری تک 0.5 فیصد کمی ہوئی۔
آؤٹ لک رپورٹ میں کہا گیا ہے کہ مارچ میں سی پی آئی 35.4 فیصد سے کم ہو کر 20.7 فیصد رہی، جولائی سے فروری پرائمری بیلنس 1834 ارب روپے سرپلس رہا، گزشتہ سال جولائی سے فروری تک پرائمری بیلنس 780 ارب پچاس کروڑ روپے تھا۔
وفاقی حکومت کے ریونیو میں 51 فیصد اضافہ ہوا، رواں مالی سال کے پہلے 9 ماہ میں ٹیکس وصولیوں میں 30 فیصد اضافہ ہوا جبکہ مالی خسارہ تین فیصد رہا جو گزشتہ سال 2.8 فیصد تھا۔
