ویمنز کرکٹ ورلڈ کپ کوالیفائر کے لیے 15 رکنی اسکواڈ کا اعلان

Related Articles

فہد مصطفیٰ کے والد کے ضامن بننے پر رشتہ دیا گیا: علی گل ملاح

4 دن ago

 پیپلز پارٹی کا احتجاجی جلسوں کا اعلان

4 دن ago

عید کے دوران ملک بھر میں موسم گرم اور خشک رہنے کا امکان

4 دن ago

خواتین کی قومی سلیکشن کمیٹی نے 9 سے 19 اپریل تک لاہور کے قذافی اسٹیڈیم اور ایل سی سی اے گراؤنڈ میں ہونے والے آئی سی سی ویمنز کرکٹ ورلڈ کپ کوالیفائر کے لیے 15 رکنی اسکواڈ کا اعلان کر دیا ہے۔

پی سی بی کے مطابق اسکواڈ کا انتخاب سلیکشن کمیٹی کی جانب سے جاری دوسرے مرحلے کے تیاری کے کیمپ میں کھلاڑیوں کی فٹنس اور فارم کا جائزہ لینے کے بعد کیا گیا ہے جہاں کھلاڑیوں نے وارم اپ میچز اور پریکٹس سیشنز میں حصہ لیا۔

فاطمہ ثنا جنہوں نے 6 ٹی 20 اور 2 ون ڈے میچوں میں پاکستان کی قیادت کی ہے 50 اوورز کے اس ایونٹ میں ٹیم کی قیادت جاری رکھیں گی جبکہ شوال ذوالفقار دسمبر 2023 میں نیوزی لینڈ کے دورے کے دوران کندھے کی انجری میں مبتلا ہونے کے بعد قومی ٹیم میں واپس آئی ہیں۔

پاکستان اسکواڈ ان کھلاڑیوں پر مشتمل ہے۔

فاطمہ ثنا (کپتان) منیبہ علی (نائب کپتان)، عالیہ ریاض، ڈیانا بیگ، گل فیروزہ، نجیہہ علوی (وکٹ کیپر) نشرہ سندھو، نتالیہ پرویز، عمیمہ سہیل، رامین شمیم، سعدیہ اقبال، شوال ذوالفقار ۔ سدرہ امین۔ سدرہ نواز ( وکٹ کیپر ) اور سیدہ عروب شاہ۔ ریزرو کھلاڑی: غلام فاطمہ، وحیدہ اختر اور ام ہانی۔

پلیئر سپورٹ اسٹاف ۔ حنا منور (منیجر) محمد وسیم ( ہیڈ کوچ ) جنید خان (اسسٹنٹ کوچ بولنگ)، عبدالرحمن (اسسٹنٹ کوچ اسپن بولنگ) عبدالسعد (اسسٹنٹ کوچ فیلڈنگ)، ولید احمد ( انالسٹ ) محمد رفیع اللہ (میڈیا منیجر) محمد رمضان (اسٹرینتھ اینڈ کنڈیشننگ کوچ) تحریم سنبل شاہ ( فزیوتھراپسٹ ) کرن شہزادی( میسیور )۔

6 ٹیموں پر مشتمل آئی سی سی ایونٹ جس میں میزبان پاکستان کے ساتھ بنگلہ دیش، آئرلینڈ، اسکاٹ لینڈ، تھائی لینڈ اور ویسٹ انڈیز شامل ہیں، سنگل لیگ راؤنڈ رابن فارمیٹ پر مشتمل ہوگا۔ لاہور کا قذافی اسٹیڈیم اور ایل سی سی اے گراؤنڈ اس ایونٹ کے 15 میچوں کی میزبانی کریں گے۔

قذافی اسٹیڈیم میں ہونے والے افتتاحی میچ میں پاکستان کا مقابلہ آئرلینڈ سے ہوگا۔

پاکستان کے میچز (دن کے میچ صبح 9.30 بجے شروع ہوں گے اور ڈے/ نائٹ میچز مقامی وقت کے مطابق دوپہر 2 بجے شروع ہوں گے)۔

پاکستان بمقابلہ آئرلینڈ – 9 اپریل، قذافی اسٹیڈیم (دن) پاکستان بمقابلہ اسکاٹ لینڈ – 11 اپریل، ایل سی سی اے گراؤنڈ (دن) پاکستان بمقابلہ ویسٹ انڈیز – 14 اپریل، قذافی اسٹیڈیم ( ڈے نائٹ ) ۔ پاکستان بمقابلہ تھائی لینڈ – 17 اپریل، قذافی اسٹیڈیم ( ڈے نائٹ ) پاکستان بمقابلہ بنگلہ دیش – 19 اپریل، ایل سی سی اے (دن)