google.com, pub-3199947851844297, DIRECT, f08c47fec0942fa0 دوسرا ٹی ٹوئنٹی: پاکستان کو 5 وکٹوں سے شکست - UrduLead
جمعرات , اپریل 3 2025

دوسرا ٹی ٹوئنٹی: پاکستان کو 5 وکٹوں سے شکست

دوسرے ٹی ٹوئنٹی میچ میں نیوزی لینڈ نے پاکستان کو 5 وکٹوں سے شکست دے دے کر سیریز میں 0-2 کی برتری حاصل کرلی۔

ڈونیڈن میں بارش سے متاثرہ میچ میں نیوزی لینڈ نے ٹاس جیت کر پاکستان کو بیٹنگ کی دعوت دی تو ایک بار پھر آغاز اچھا نہ رہا۔

حسن نواز صفر اور محمد حارث 11 رنز بناکر پویلین لوٹ گئے۔ عرفان نیازی 11 اور خوشدل شاہ 2 رنز ہی بناسکے۔

سلمان علی آغا نے 46 اور شاداب خان نے 26 رنز بناکر پاکستان کا اسکور بہتر کیا۔ شاہین شاہ آفریدی نے بھی آخر میں 22 رنز اسکور کیے۔

یوں پاکستان نے مقررہ اوورز میں 9 وکٹوں کے نقصان پر 135 رنز بنائے۔

نیوزی لینڈ کے جیکب ڈفی، جیمز نیشام، اِش سوڈھی اور بین سیئرز نے 2، 2 وکٹیں لیں۔

ہدف کے تعاقب میں کیوی اوپنرز نے انتہائی جارحانہ آغاز کیا اور محض 4 اوورز میں ہی ٹیم کا اسکور 50 تھا، تاہم کے مجموعے پر 22 گیندوں پر 45 رنز کی برق رفتار اننگز کھیلنے والے ٹم سیفرٹ کی اننگز اختتام کو پہنچی۔

نیوزی لینڈ کے دوسرے جارح مزاج اوپنر فن ایلن نے بھی 16 گیندوں پر 38 رنز کی برق رفتار اننگز کھیلی جس کے بعد جہانداد خان نے انہیں پویلین بھیجا۔

دونوں اوپنرز کے آؤٹ ہونے کے بعد کیوی بلے بازوں کے رنز بنانے کی اوسط میں کمی آئی لیکن عمدہ آغاز فراہم ہونے کی وجہ سے انہیں زیادہ مشکل پیش نہ آئی اور نیوزی لینڈ نے مطلوبہ ہدف 14ویں اوور میں 5 وکٹوں کے نقصان پر حاصل کرلیا۔

نیوزی لینڈ کے کے بلے بازوں نے مجموعی طور پر پاکستانی باؤلرز کو 11 چھکے لگائے۔

کیویز کو پانچ ٹی ٹوئنٹی میچوں کی سیریز میں 0-2 کی برتری حاصل ہوگئی ہے۔

About Aftab Ahmed

Check Also

سونم باجوہ کی بھی سجل علی کو عید مبارک

پاکستانی شوبز انڈسٹری کی معروف اداکارہ سجل علی کے نئے اور دلکش انداز کی ویڈیو …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے