UrduLead UrduLead
Related Articles
29 برس بعد آئی سی سی ٹورنامنٹ، شاندار انعقاد یقینی بنا کر عزت بڑھائیں گے، چیئرمین پی سی بی
انٹرنیشنل کرکٹ کونسل (آئی سی سی) نے قومی ٹیم کے اسٹار بلے باز بابراعظم اور فاسٹ باؤلر شاہین شاہ آفریدی کو ’ٹیم آف دی ایئر‘ کی اعزازی کیپس سے نوازا ہے۔
آئی سی سی کی جانب سے مینز ٹی20 ٹیم آف دے ایئر میں پاکستان کی جانب سے سابق کپتان بابراعظم واحد کھلاڑی تھے، جنہیں ٹیم کا حصہ بنایا گیا تھا۔
اس کے علاوہ، آئی سی سی نے ون ڈے ٹیم آف دی ایئر کے لیے قومی ٹیم کے 3 کھلاڑیوں کو شامل کیا گیا تھا جن میں شاہین شاہ آفریدی، صائم ایوب اور حارث رؤف شامل تھے۔
چیمپئنز ٹرافی 2025 کے آغاز سے صرف ایک روز قبل آئی سی سی نے بابر اعظم اور شاہین شاہ آفریدی کو 2024 کی ٹی20 اور اور ون ڈے ٹیم آف دی ایئر کی اعزازی کیپس سے دی ہیں۔
قومی ٹیم کے دونوں کھلاڑیوں نے اعزازی کیپ ملنے پر آئی سی سی کا شکریہ ادا کیا اور کیپ پہن کر فوٹو شوٹ بھی کروایا۔
اس موقع پر، شاہین شاہ آفریدی کا کہنا تھا کہ میرے پاس پہلے بھی آئی سی سی بہت کیپس موجود ہیں اور اب ایک اور آگئی لیکن یہ میرے لیے بہت خاص ہے کیوں کہ آسٹریلیا اور جنوبی افریقہ میں ہم نے جو سیریز جیتی وہ آسان نہیں تھیں۔
اس کے علاوہ، قومی ٹیم کے فاسٹ باؤلر حارث رؤف کو بھی آئی سی سی ون ڈے ٹیم آف دی ایئر کی کیپ سے نوازا گیا۔
انتظار کی گھڑیاں ختم ہونے کو ہیں، کل پاکستان میں آئی سی سی چیمپئنز ٹرافی کا میلہ سجے گا، پہلا مقابلہ کراچی میں پاکستان اور نیوزی لینڈ کے درمیان ہوگا، جس کے مہمان خصوصی صدر مملکت آصف علی زرداری ہوں گے۔
پاکستان کرکٹ بورڈ (پی سی بی) کی جانب سے جاری بیان کے مطابق چیئرمین پی سی بی محسن نقوی نے کہا ہے کہ پاکستان چیمپئنز ٹرافی کے لیے پوری طرح تیار ہے، تمام ٹیموں کو بین الاقوامی معیار کی سہولتیں فراہم کی جائیں گی۔
پی سی بی کے مطابق کل پاکستان ایئر فورس شیر دل شو کا شاندار فضائی مظاہرہ کرے گی، چیئرمین کرکٹ بورڈ محسن نقوی کی زیر صدارت لاہور قذافی اسٹیڈیم میں اہم اجلاس منعقد ہوا، جس میں چیمپئنز ٹرافی ٹورنامنٹ کی تیاریوں اور انتظامات کا تفصیلی جائزہ لیا گیا۔
اجلاس میں ایڈوائزر عامر میر، چیف آپریٹنگ آفیسر پی سی بی سمیر احمد، ڈائریکٹر سیکیورٹی، ڈائریکٹر انفرااسٹرکچر، ڈائریکٹر ایچ آر و ایڈمن، ڈائریکٹر میڈیا اینڈ کمیونیکیشن، ہیڈ آف آئی ٹی، ہیڈ آف ویمنز ڈیپارٹمنٹ اور متعلقہ حکام نے شرکت کی۔
اس موقع پر چیئرمین پی سی بی محسن نقوی نے کہا کہ پاکستان چیمپئنز ٹرافی ٹورنامنٹ کے لیے پوری طرح تیار ہے، تمام ٹیموں کو بین الاقوامی معیار کی سہولتیں فراہم کی جائیں گی۔
ان کا کہنا تھا کہ اسٹیڈیمز میں شائقین کرکٹ کے لیے ہر ممکن سہولتیں دیں گے۔
چیئرمین پی سی بی نے کہا کہ 29 برس بعد آئی سی سی ٹورنامنٹ کا انعقاد پاکستان کے لیے باعث افتخار ہے، چیمپئنز ٹرافی ٹورنامنٹ کا شاندار انعقاد یقینی بنا کر پاکستان کی عزت بڑھائیں گے۔
چئیرمین پی سی بی محسن نقوی نے تمام تر انتظامات کو خوب سے خوب تر بنانے کی ہدایت کر دی۔
