UrduLead UrduLead
Related Articles
پنجاب اسمبلی میں آج خفیہ رائے شماری کے ذریعے نو منتخب ارکان اسپیکر اور ڈپٹی اسپیکر کا انتخاب کریں گے۔
ایوان میں اکثریت رکھنے والی پاکستان مسلم لیگ (ن) کا دعوی ہے کہ پارٹی کی جانب سے ملک احمد خان کو اسپیکر پنجاب اسمبلی بنائے جانے کا امکان ہے جب کہ وزیراعلی کا انتخاب اگلہ مرحلہ ہوگا۔
ملک محمد احمد خان کا مقابلہ سنی اتحاد کونسل کے احمد خان بھچر سے ہوگا۔
اسپیکر کے انتخاب کے بعد موجودہ اسپیکر سبطین خان نئے منتخب ہونے والے اسپیکر سے حلف لیکر ایوان سے رخصت ہوجائیں گے۔
نئے منتخب ہونے والے اسپیکر ایوان کے ڈپٹی اسپیکر کا الیکشن منعقد کرائیں گے
ڈپٹی اسپیکر کے منصب کے لیے ن لیگ اور ان کی اتحادی جماعتوں نے ظہیر اقبال چنڑ کو نامزد کیا ہے جبکہ سنی اتحاد کونسل کی جانب سے معین الدین ریاض قریشی کو نامزد کیا گیا ہے۔
حلف اٹھانے والوں میں ن لیگ کے 201، پیپلز پارٹی کے 14، مسلم لیگ ق کے 10 اور آئی پی پی کے 6 اراکین شامل ہیں۔
اسپیکر اور ڈپٹی اسپیکر کا انتخاب خفیہ رائے شماری کے ذریعے عمل میں لایا جائے گا، اگلے مرحلے میں پنجاب کے وزیراعلی کے الیکشن کا شیڈول جاری کردیا جائے گا
