UrduLead UrduLead
Related Articles
ملتان ٹیسٹ میں ویسٹ انڈیز کو جیت کیلئے 251 رنز کا ہدف ، پاکستان ٹیم دوسری اننگز میں صرف 157 رنز پر ڈھیر ، کپتان شان مسعود 52رنز کے ساتھ نمایاں سکورر ۔
ویسٹ انڈیز کے بائولر جمیل وریکن نے پہلے ٹیسٹ میچ میںمجموعی طور پر 10وکیٹیں لیں ۔ پاکستان کے بلے بازجوکہ دوسری اننگز میں نمایاں رہے ان میں اوپنر محمدہریرہ نے 29جبکہ کامران غلام نے 27رنز بنائے۔
پہلے ٹیسٹ میچ میں دوسرے دن کے اختتام تک پاکستان نے دوسری اننگز میں 3 وکٹوں پر 109 رنز بنالیے تھے اور 202 رنز کی برتری حاصل کرلی تھی۔
آج سعود شکیل اور کامران غلام نے تیسرے دن کھیل کا آغاز کیا تاہم یہ پہلا سیشن قومی ٹیم کے لیے کچھ خاص نہ رہا اور 109 رنز پر پاکستان کی چوتھی، 113 رنز پر پانچویں اور 132 رنز پر چھٹی وکٹ گر گئی۔
سعود شکیل2، محمد رضوان 2 اور کامران غلام 27 رنز بنا کر آٹ ہوئے۔
ویسٹ انڈیز کیخلاف پہلا ٹیسٹ: دوسرا روز ختم، پاکستان کو 202 رنز کی برتری
اس سے قبل پہلی اننگز میں ویسٹ انڈیز کی پوری ٹیم 137 رنز پر پویلین لوٹ گئی تھی۔ ساجد خان اور نعمان علی نے مہمان ٹیم کی اننگز کو صرف 25 اعشاریہ 2 اوورز میں ہی سمیٹ دیا تھا۔ جبکہ پاکستان نے پہلی اننگ میں 230 رنز بنائے تھے۔
