UrduLead UrduLead
Related Articles
آئی سی سی انڈر 19 ویمنز ٹی ٹونٹی ورلڈ کپ کے لیے پاکستان کے سکواڈ کا اعلان کر دیا گیا۔
انڈر 19 ویمنز ٹی ٹونٹی ورلڈ کپ میں کومل خان پاکستان ٹیم کی قیادت کریں گی،16 ٹیموں پر مشتمل یہ ٹورنامنٹ 18 جنوری سے 2 فروری 2025ء تک ملائیشیا میں کھیلا جائے گا۔
پاکستانی سکواڈ میں کومل خان (کپتان)، ضوفشاں ایاز (نائب کپتان)، علیسہ مختیار، اریشہ انصاری، فاطمہ خان، ہانیہ احمر، ماہم انیس، ماہ نور زیب، میمونہ خالد، مناہل، قرۃ العین، راویل فرحان، شہر بانو، طیبہ امداد اور واصفہ حسین پر مشتمل ہے،
نان ٹریولنگ ریزرو میں فضا فیاض، لائبہ ناصر، مناہل جاوید، روزینہ اکرم اور ثانیہ رشید شامل ہیں۔
پاکستانی ٹیم 31 دسمبر سے 9 جنوری تک کراچی کے حنیف محمد ہائی پرفارمنس سینٹر میں تربیتی کیمپ میں حصہ لے گی جس کے بعد ٹیم 10 جنوری کو دبئی کے راستے ملائیشیا روانہ ہو گی،
ٹورنامنٹ کے فارمیٹ کے مطابق 4 گروپس ہیں، ہر گروپ میں 4 ٹیمیں شامل ہیں، پاکستان کو گروپ بی میں انگلینڈ، آئر لینڈ اور امریکہ کے ساتھ رکھا گیا ہے۔
پاکستانی ٹیم اپنا پہلا میچ 18 جنوری کو امریکہ کے خلاف کھیلے گی، اس کا 20 جنوری کو انگلینڈ سے مقابلہ ہو گا جبکہ پاکستان کا آخری گروپ میچ 22 جنوری کو آئر لینڈ کے خلاف ہو گا۔
