UrduLead UrduLead
Related Articles
بلوچستان کے شمالی علاقوں میں خشک سردی کی صورتحال برقرار ہے، سرد ہوائیں چلنے سے کوئٹہ میں پارہ نقطہ انجماد سے چھ ڈگری نیچے گر گیا۔
محکمہ موسمیات کے مطابق بلوچستان کے شمالی علاقے ان دنوں خشک سردی کے زیر اثر ہیں،
سرد ہوائیں چلنے کی وجہ سے جمعہ کو کوئٹہ میں کم سے کم درجہ حرارت منفی 6 جبکہ قلات اور زیارت میں منفی 5 ڈگری سینٹی گریڈ ریکارڈ کیا گیا۔
محکمہ موسمیات کے مطابق ہفتہ کو قلات، زیارت، کوئٹہ، مسلم باغ، پشین، قلعہ عبداللّٰہ کے پہاڑی علاقوں میں موسم شدید سرد اور خشک رہنے کا امکان ہے۔
محکمہ موسمیات کے مطابق آج بھی ملک بھر میں سردی کی لہر برقرار رہے گی۔
پاکستان کے آلودہ شہروں میں لاہور کا آج بھی پہلا نمبر جہاں صبح سویرے ایئر کوالٹی انڈیکس دو سو تئیس ریکارڈ کیا گیا۔
علاوہ وزیں، آزاد کشمیر میں سردی کی شدت بڑھ گئی ہے، خون جما دینے والی سردی نے کئی علاقے اپنی لپیٹ میں لے رکھے ہیں۔
اسی وجہ سے حکومت آزاد کشمیر نے تعلیمی اداروں کے اوقات کار تبدیل کر دئے ہیں۔
آزاد کشمیر میں آج سے تمام نجی اور سرکاری تعلیمی ادارے صبح نو بجے کھلیں گے اور درس وتدریس کا سلسلہ صبح نو بجے سے دن اڑھائی بجے تک جاری رہے گا۔
جمعہ کے روز صبح نو بجے سے دن ساڑھے بارہ بجے تک اسکول کھلے رہیں گے۔
آزاد کشمیر میں خشک سردی کے باعث شہری مختلف بیماریوں کا شکار بھی ہو رہے ہیں۔
