UrduLead UrduLead
Related Articles
پاکستان تحریک انصاف (پی ٹی آئی) کے بانی عمران خان کی بہن علیمہ خان نے کہا بانی نے بتایا وہ لاعلم ہیں ڈی چوک میں کتنی شہادتیں ہوئیں۔
اڈیالہ جیل راولپنڈی کے باہر میڈیا سے گفتگو کرتے ہوئے علیمہ خان نے کہا بانی پی ٹی آئی کو نہیں پتہ کتنے لوگ لاپتہ ہیں، ابھی تک 200 سے زائد کارکنان لاپتہ ہیں۔
علیمہ خان نے کہا کہ 15 دسمبر کو یوم شہداء مقرر کیا گیا ہے۔ بانی پی ٹی آئی نے کہا ہم ظلم کے اس نظام کو قبول نہیں کریں گے۔
علیمہ خان نے کہا کہ بانی نے 9 مئی کے بعد اب 26 نومبر کی تحقیقات کا مطالبہ بھی شامل کیا ہے۔ ان کا کہنا ہے سپریم کورٹ کے 3 سینئر ججز پر مشتمل جوڈیشل کمیشن بنایا جائے۔
انھوں نے کہا دونوں سانحات کی سی سی ٹی وی فوٹیج کے بغیر تحقیقات ممکن نہیں۔
بانی پی ٹی آئی کی ہمشیرہ کا کہنا تھا کہ ہمارے گرفتار کارکنان کو رہا کیا جائے اور غیر قانونی مقدمات ختم کیے جائیں۔
