UrduLead UrduLead
Related Articles
سینئر اداکار کاشف محمود نے انکشاف کیا ہے کہ بطور پروڈیوسر انہوں نے پہلا ڈرامہ بنانے کیلئے جہاں درجنوں لوگوں سے قرضہ لیا، وہیں انہوں نے گھر اور والدہ کے زیور تک گروی رکھے تھے۔
اداکار کاشف محمود نے ایک انٹرویو دیتے ہوئے کہا کہ وہ گھر کے سب سے بڑے بچے تھے، اس لیے ان پر ذمہ داریاں بھی زیادہ تھیں لیکن اس باوجود والدین نے ان پر سختیاں نہیں کیں اور انہیں اپنی پسند کا کام کرنے دیا۔
انہوں نے کہا کہ بطور ایکسٹرا اداکار کیریئر کا آغاز کیا تھا، یعنی انہیں صرف ہیرو کے پیچھے نظر آنے والے افراد کے طور پر بھرتی کیا گیا تھا، مذکورہ ڈرامے میں ریشم اور سلیم شیخ نے مرکزی کردار ادا کیے تھے۔
انہوں نے کہا کہ بدر خلیل نے ان کا ڈرامہ کسی ٹی وی چینل کو فروخت کیا اور ان کا ڈرامہ ایک ٹی وی چینل پر چلا لیکن بعد میں وہ ٹی وی چینل بند ہوگیا اورانہیں پیسے بھی نہیں ملے۔
