UrduLead UrduLead
Related Articles
ننکانہ صاحب میں وساکھی میلے کی تقریبات ارداس اختتامی دعا کے ساتھ اختتام پذیر اور اختتامی ارداس میں ملک پاکستان میں امن، سلامتی اورخوشحالی کیلئے خصوصی دعائیں کی گئیں۔
سکھ یاتری ننکانہ صاحب سے کرتار پورکیلئے روانہ ہو گئے، ڈپٹی کمشنرمحمد تسلیم اختررائواورڈی پی اوسید ندیم عباس نے سکھ یاتریوں کو سخت سکیورٹی حصارمیں ننکانہ صاحب سے الوداع کیا۔
اس موقع پر سکھ یاتریوں نے بہترین انتظامات کرنے پروزیراعلی پنجاب مریم نوازاورضلعی انتظامیہ کا شکریہ ادا کیا اور کہا کہ گورونانک کی دھرتی سے محبت اور پیار لے کر جا رہے ہیں، پاکستان سے جانے کو دل نہیں چاہتا۔
سکھ یاتریوں نے مزید کہا کہ پاکستان کے بارے جھوٹا پروپیگنڈہ کیا جاتا ہے، پاکستان پرامن ملک ہے، پاکستان میں اقلیتوں کو مکمل مذہبی آزادی حاصل ہے، تمام مذاہب ومسالک کے افراد بہن بھائیوں کی طرح زندگی بسرکر رہے ہیں۔
اس موقع پر ڈپٹی کمشنر ننکانہ صاحب محمد تسلیم اختر رائونے گفتگو کرتے ہوئے کہا کہ سکھ یاتریوں کا خیال رکھنا پاکستان کی روایت ہے اور ضلعی انتظامیہ آئندہ بھی سکھ یاتریوں کا خاص خیال رکھے گی۔
